الكوثر_ لطميات
"كلمة عالمية" اداء الرادود المبدع حيدر البياتي ،اصدار محرم 1445 2023.
خادم كلمة عالمية
خادم مبدأ و قضية
حسين يا حسين
قرينه كربلاء رسالة السماء
أميرة الأرض
شفناها سر عجيب مملوكة للغريب
مدينة الرفض
قال نبي الله في حديثه لفاطمة
سيخلق الله له بشر تنوح بمأتمه
يعني انخلقنه للبچي هذا الشرف مااعظمه
كلمة تمناها الوحي كلمة جبيرة خادمه
لازم يختم الهوية
خادم مبدأ وقضية
حسين يا حسين
يمعطش الفرات ضامي وروه الحياة
موطنه مأتمك
شمسوي يا ذبيح كل البشر تصيح
إقبلنه نخدمك
مو ميت نشوفك وطن وبكل شبر دولة وعلم
كلشي انتفض من كربله وبواقعك مات العدم
أصل المواكب سيدي ذرة رماد من الخيم
عابس اكتبه بالعكس نقراها عنوان الخدم
الوادم تشوفه مرجعية
خادم مبدأ و قضية
حسين يا حسين
عباسك الكبير بإثره نسير
قائدنه ابو الفضل
معلم الوفاء بجفوفه واللواء
بخيامه نستظل
واليكعد بفي الخيم مو عجبه يصعد للقمر
علمنه جذاب العطش مادام الحسين النهر
علمنه تكبر رتبته كلمن تواضع للبشر
علمنه بالخوة درس خادم لعد خادم ظهر
راسم لوحة حيدرية
خادم مبدأ و قضية
حسين يا حسين
جيش الخدم يصيح لبيك يا ذبيح
نكتبها عالنحر
تجمعنه كربلاء من يعتلي النداء
مهديكم ظهر
نادينه أين الطالب بدم القتيل بكربله
يمته يجي من غيبته وبيرغ ضريحه يبدله
أهل المجالس واللطم خدام الك وانصار اله
نزرعله كاع الطف ورد والدمعة تكتب ياهله
قادم قائد البرية
خادم مبدأ و قضية
حسين يا حسين